നിലമ്പൂര്‍: ഭര്‍തൃമതിയായ യുവതിയെ ഭീഷണിപ്പെടുത്തി പീഡിപ്പിച്ചുവെന്ന പരാതിയില്‍ യുവാവ് അറസ്റ്റില്‍. മമ്പാട് കാട്ടുമുണ്ട മലപ്പുറവന്‍ ആഷിഖിനെ(36) യാണ് എടക്കര സിഐ പി.കെ സന്തോഷ് അറസ്റ്റ് ചെയ്തത്.
കഴിഞ്ഞ ഒരു വര്‍ഷമായി ഇയാള്‍ തന്നെ ഭീഷണിപ്പെടുത്തി പീഡിപ്പിച്ച് വരികയാണെന്ന് കാണിച്ച് യുവതി നല്‍കിയ പരാതിയിലാണ് അറസ്റ്റ്.
രാത്രി പത്തരയോടെ വീട്ടിലെത്തിയ ആഷിഖ് വാതിലില്‍ മുട്ടുകയും ആരാണെന്നറിയാന്‍ വാതില്‍ തുറന്നപ്പോള്‍ വാ പൊത്തിപ്പിടിച്ച് തന്നെ പീഡിപ്പിക്കുകയായിരുന്നുവെന്നും ഇതിന്റെ മറവില്‍ ഭീഷണിപ്പെടുത്തി പലതവണ പീഡിപ്പിച്ചതായും പരാതിയില്‍ പറയുന്നു.
പ്രതിയെ നിലമ്പൂര്‍ കോടതി റിമാന്‍ഡ് ചെയ്തു.