മട്ടാഞ്ചേരി: രാവും, പകലും ഭേദമന്യെ കൊതുക്ശല്യം രൂക്ഷമായതോടെ പി.ഡി.പി പ്രവര്‍ത്തകര്‍ നഗരസഭ മേയറുടെ കോലത്തിന് പുകയിട്ടു പ്രതിഷേധിച്ചു. കനാലുകളും, കാനകളും ശുചീകരിക്കാതെ അനുവദിക്കുന്ന പണം അധികാരികള്‍ പങ്കിടുകയാണെന്ന ആരോപണം ഉയര്‍ത്തിയായിരുന്നു പ്രതിഷേധ സമരം.
പി.ഡി.പി കൊച്ചി മണ്ഡലം കമ്മിറ്റിയുടെ ആഭിമുഖ്യത്തില്‍ നഗരസഭ ഫോര്‍ട്ടുകൊച്ചി സോണല്‍ ഓഫിസിനു മുന്‍പില്‍ നടന്ന സമരം ജില്ലാ സെക്രട്ടറി ഷിഹാബ് കുന്നത്തുനാട് ഉദ്ഘാടനം ചെയ്തു. മണ്ഡലം പ്രസിഡന്റ് എ.കെ.ഫസലു അദ്ധ്യക്ഷത വഹിച്ചു. ജില്ലാ വൈസ് പ്രസിഡന്റ് കെ.എ. വിശ്വനാഥന്‍ ,എം.ഐ.നാസര്‍, ജെ.എ.റഹീം, ഫൈസല്‍ മാടവന, കെ.എച്ച്.മെഹബൂബ്, സി.ബി.അലി എന്നിവര്‍ സംസാരിച്ചു.