കൊച്ചി: തൃത്താല ശിവരാത്രി ആഘോഷ കമ്മിറ്റിയുടെ മൂന്നാമത് തൃത്താല കേശവ പൊതുവാള്‍ സ്മാരക പുരസ്‌കാരം കവിയും ഗാനരചയിതാവുമായ ആര്‍.കെ ദാമോദരന്.10,001 രൂപയും പ്രശസ്തിപത്രവും ഫലകവുമടങ്ങുന്നതാണ് പുരസ്‌കാരം. ശിവരാത്രി ദിനമായ ഫെബ്രുവരി 13ന് വൈകിട്ട് ഏഴിന് മഹാദേവ ക്ഷേത്രസന്നിധിയില്‍ നടക്കുന്ന ചടങ്ങില്‍ മുന്‍ ശബരിമല മേല്‍ശാന്തി ഉണ്ണിക്കൃഷ്ണന്‍ നമ്പൂതിരി പുരസ്‌കാരം സമ്മാനിക്കും. വാര്‍ത്താസമ്മേളനത്തില്‍ ആഘോഷ കമ്മിറ്റി ചെയര്‍മാന്‍ കെ.സത്യാനന്ദന്‍, പ്രസിഡന്റ് ടി.കെ മുഹമ്മദ്, സെക്രട്ടറി ടി.ജി പരമേശ്വരന്‍ എന്നിവര്‍ പങ്കെടുത്തു.