കഠിനംകുളം: വീടിനടുത്തെ കിണറ്റില്‍ വീണയാളെയും രക്ഷപ്പെടുത്താന്‍ ഇറങ്ങിയ ആളെയും കഴക്കൂട്ടം ഫയര്‍ഫോഴ്‌സ് രക്ഷപ്പെടുത്തി. കാട്ടായിക്കോണം നരിക്കല്‍ തലകുടിയില്‍ വീട്ടില്‍ അനികുട്ടനാണ് (55) ഇന്നലെ ഉച്ചയ്ക്ക് രണ്ടരയോടെ വീടിനടുത്തെ മേല്‍തൊടിയില്ലാത്ത 40അടിയോളം താഴ്ചയുള്ള കിണറ്റില്‍ അകപ്പെട്ടത്.
നരിക്കല്‍ പുത്തന്‍വീട്ടില്‍ അശോകനെന്നായള്‍ കിണറ്റിലിറങ്ങിയെങ്കിലും തിരിച്ചുകയറാനായില്ല. തുടര്‍ന്ന് കഴക്കൂട്ടം ടെക്‌നനോപാര്‍ക്കിലെ ഫയര്‍ഫോഴ്‌സ് ഫയര്‍മാന്‍മാരായ ജോര്‍ജ്‌പോള്‍, ശ്രീകുമാര്‍, ഷൈജു, അരുണ്‍, ഹാമിലിട്ടന്‍, ബാലചന്ദ്രനാഥ്, സതീശന്‍ തുടങ്ങിയവരുടെ നേതതൃത്വത്തില്‍ ഇരുവരെയും രക്ഷപ്പെടുത്തി കരയ്‌ക്കെത്തിക്കുകയായിരുന്നു. പരുക്കേറ്റ അനിക്കുട്ടനെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.