തളിപ്പറമ്പ്: പയ്യാവൂര്‍ തിരൂരില്‍ ചമതച്ചാല്‍ പുഴയില്‍ മുങ്ങിമരിച്ച വിവരമറിഞ്ഞ് മൃതദേഹങ്ങള്‍ സൂക്ഷിച്ച പരിയാരം മെഡിക്കല്‍കോളജില്‍ പ്രമുഖര്‍ ഉള്‍പ്പെടെയുള്ള വന്‍ ജനാവലിയെത്തി. കെ.പി.സി.സി പ്രസിഡന്റ് വി.എം സുധീരന്‍, മന്ത്രിമാരായ ഇ.പി ജയരാജന്‍, കെ.കെ ശൈലജ, ഇ ചന്ദ്രശേഖരന്‍, പി.കെ ശ്രീമതി എം.പി, നിയുക്ത എം.എല്‍.എമാരായ ജയിംസ് മാത്യു, ടി.വി രാജേഷ്, കെ.പി.സി.സി ജനറല്‍സെക്രട്ടറി സതീശന്‍ പാച്ചേനി, ഡി.സി.സി പ്രസിഡന്റ് കെ സുരേന്ദ്രന്‍, സി.പി.എം ജില്ലാ സെക്രട്ടറി പി ജയരാജന്‍, ജില്ലാപഞ്ചായത്ത് പ്രസിഡന്റ് കെ.വി സുമേഷ് തുടങ്ങിയവരാണു മെഡിക്കല്‍ കോളജില്‍ എത്തിയത്.
അടിയന്തിര ധനസഹായം
കണ്ണൂര്‍: പയ്യാവൂരില്‍ മുങ്ങിമരിച്ച കുട്ടികളുടെ കുടുംബങ്ങള്‍ക്കു അടിയന്തിര ധനസഹായമായി ജില്ലാകലക്ടര്‍ 50,000 രൂപ അനുവദിച്ചു. പ്രാഥമിക ആവശ്യത്തിനുള്ള സഹായമായാണു ഒരുകുട്ടിക്കു 10,000 രൂപ വീതം 50,000 രൂപ വീതം ഇരിട്ടി തഹസില്‍ദാര്‍ മുഖേന ജില്ലാ ഭരണകൂടം ഇന്നലെ രാത്രി കുട്ടികളുടെ വീട്ടിലെത്തി നല്‍കിയത്. മരിച്ച കുട്ടികളുടെ കുടുംബത്തിനുള്ള ധനസഹായം സര്‍ക്കാര്‍ പ്രഖ്യാപിക്കുമെന്നു കലക്ടര്‍ പി ബാലകിരണ്‍ സുപ്രഭാതത്തോടു പറഞ്ഞു.