കൊല്ലം: കരുനാഗപ്പള്ളി പണ്ടാരത്തുരുത്ത് പ്രബോധിനി ലൈബ്രറി ആന്റ് റീഡിംഗ് റൂമിന്റെ 75-ാം വാര്‍ഷികത്തിന്റെ ഭാഗമായി ഏര്‍പ്പെടുത്തിയ പ്രബോധിനി അവാര്‍ഡ് ഗാനരചയിതാവ് ശ്രീകുമാരന്‍ തമ്പിക്കു നല്‍കുമെന്ന് ജഡ്ജിംഗ് കമ്മിറ്റിയംഗം ഡോ. വള്ളിക്കാവ് മോഹന്‍ദാസ്, പ്രബോധിനി പ്രസിഡന്റ് പി ദീപു, കിരണ്‍ സാരഥി, മുനീര്‍ മഹാത്മ എന്നിവര്‍ വാര്‍ത്താസമ്മേളനത്തില്‍ അറിയിച്ചു. അദ്ദേഹത്തിന്റെ 'പുത്രലാഭം'എന്ന കവിതാസമാഹാരത്തിനാണ് അവാര്‍ഡ്. 10,001രൂപയും പ്രശസ്തിപത്രവും ശില്‍പ്പവും അടങ്ങുന്നതാണ് അവാര്‍ഡ്.