കോതമംഗലം: സര്‍ക്കാര്‍ വിദേശമദ്യ ഷോപ്പ് നഗരസഭ പൂട്ടിച്ചു. കോതമംഗലം ഭൂതത്താന്‍കെട്ട് റോഡില്‍ മലയന്‍കീഴ്ഭാഗത്ത് രണ്ടാഴ്ചയായി പ്രവര്‍ത്തിച്ചു വന്നിരുന്ന മദ്യ ഷോപ്പാണ് ഇന്നലെ വൈകിട്ട് ലൈസന്‍സില്ലന്ന പേരില്‍ നഗരസഭ അധികൃതര്‍ നോട്ടിസ് നല്‍കി പൂട്ടിച്ചത്.
വര്‍ഷങ്ങളായി മൂവാറ്റുപുഴ റോഡില്‍ പ്രവര്‍ത്തിച്ചിരുന്ന മദ്യഷോപ്പ് അടുത്തിയുണ്ടായ കോടതി ഇടപെടലിനെ തുടര്‍ന്നാണ് രണ്ടാഴ്ച മുന്‍പ് മലയന്‍കീഴ് കവലയില്‍ സ്വകാര്യ വ്യക്തിയുടെ കെട്ടിടത്തിലേക്ക് മാറ്റിയത്.
മദ്യ ഷോപ്പ് ഇങ്ങോട് മാറ്റി പ്രവര്‍ത്തനം തുടങ്ങിയ ഉടനെ നാട്ടുകാര്‍ ഇതിനെതിരേ സമരവും തുടങ്ങി. സ്ത്രീകളും കുട്ടികളുമുള്‍പ്പെടെയുള്ള നാട്ടുകാര്‍ 12 ദിവസമായി നടത്തിവരുന്ന സമരം വരും ദിവസങ്ങളില്‍ കൂടുതല്‍ ശക്തമാക്കുവാനിരിക്കേയാണ് ഇന്നലെ വൈകിട്ട് നഗരസഭയുടെ നടപടി.