ആരോഗ്യകരമായ വ്യക്തിത്വ വളര്‍ച്ചയ്ക്ക് അത്യാവശ്യമായി വേണ്ട പോഷകങ്ങളാണ് വിറ്റാമിനുകള്‍. വിറ്റാമിനുകള്‍ വെറുതേ ഉണ്ടാവില്ല, നമ്മുടെ ഭക്ഷണക്രമീകരണത്തിലൂടെയാണല്ലോ അതുണ്ടാവുന്നത്. ഇങ്ങനെ 13 തരം വിറ്റാമിനുകള്‍ നമ്മുടെ ശരീരത്തിന് ആവശ്യമാണ്.

ഇതില്‍ വിറ്റാമിന്‍ ഇ യ്ക്ക് വളരെ പ്രധാന്യമാണുള്ളത്. കൊഴുപ്പിനെ അലിയിപ്പിക്കുന്ന വിറ്റാമിനാണിത്. ശരീരത്തിന്റെ വിവിധ അവയവങ്ങള്‍ക്ക് കൃത്യമായി പ്രവര്‍ത്തിക്കണമെങ്കില്‍ വിറ്റാമിന്‍ ഇ ആവശ്യമാണ്.

വിറ്റാമിന്‍ ഇ അപര്യാപ്തതയുടെ ലക്ഷണങ്ങള്‍

ന്യൂട്രീഷന്‍ രംഗത്തെ വിദഗ്ധ ഡോക്ടമാര്‍ പറയുന്നതു പ്രകാരം പ്രധാനപ്പെട്ട നാലു ലക്ഷണങ്ങളാണ് വിറ്റാമിന്‍ ഇ യുടെ അളവ് കുറഞ്ഞുവെന്ന് കാണിക്കുന്നത്.

1. മുടി കൊഴിച്ചില്‍

വിറ്റാമിന്‍ ഇ യുടെ അളവ് വേണ്ടത്ര ഇല്ലാത്തതാണ് മുടികൊഴിച്ചിലിനു കാരണമാവുന്നത്. വിറ്റാമിന്‍ ഇ യുടെ അംശം കൂടിയ ഭക്ഷണം അധികരിപ്പിക്കുന്നതിലൂടെ ഇത് അകറ്റാം. ചത്തുപോയ മുടിയുടെ സെല്ലുകളെയും ഫോസിലുകളെയും പുനിര്‍ജീവിപ്പിക്കാന്‍ വിറ്റാമിന്‍ ഇ യ്ക്കാവും. വിറ്റാമിന്‍ ഇ അടങ്ങിയ ഹെയര്‍ ഓയിലുകള്‍ ഉപയോഗിക്കുന്നത് മുടി കൊഴിച്ചിലിനെ തടയാന്‍ സഹായിക്കും.

2. വരണ്ട ചര്‍മ്മം

സാധാരണ തണുപ്പു കാലത്തു മാത്രമാണ് ചര്‍മ്മം വരണ്ട അവസ്ഥയിലാവുക. എന്നാല്‍ മറ്റു കാലങ്ങളിലും ചര്‍മ്മം വരളുകയാണെങ്കില്‍ ഉറപ്പിക്കാം, വിറ്റാമിന്‍ ഇ യുടെ കുറവുണ്ട്.

3. കാഴ്ച പ്രശ്‌നങ്ങള്‍

കാഴ്ച ശക്തി വ്യതിചലിക്കുക, കണ്ണിന്റെ മസിലുകള്‍ ബലഹീനമാവുക, തുടങ്ങിയവയാണ് വിറ്റാമിന്‍ ഇ യുടെ കുറവുണ്ടാക്കുന്ന കാഴ്ച പ്രശ്‌നങ്ങള്‍. ഇത് പെട്ടെന്നു കണ്ടെത്തിയാല്‍ കണ്ണിനെ ഗുരുതര പ്രശ്‌നങ്ങളില്‍ നിന്നു രക്ഷിക്കാം.

4. ഹോര്‍മോണ്‍ അസന്തുലിതാവസ്ഥ

ഹോര്‍മോണുകളുടെ അസന്തുലിതാവസ്ഥ ശരീരത്തിനു ഗുരുതരമായ പ്രശ്‌നങ്ങളുണ്ടാക്കും. ഹോര്‍മോണിന്റെ അസന്തുലിതാവസ്ഥയിലേക്ക് നയിക്കുന്നത് എന്താണെന്നു കണ്ടെത്താനും പ്രയാസമായിരിക്കും. ഈ സാഹചര്യത്തില്‍ വിറ്റാമിന്‍ ഇ യുടെ അളവ് കുറവായിരിക്കും. വിറ്റാമിന്‍ ഇ അടങ്ങിയ ഭക്ഷണം അധികരിപ്പിക്കലാണ് പോംവഴി.