മനാമ: സമസ്തകേരള ജംഇയ്യത്തുല്‍ ഉലമാ ജനറല്‍സെക്രട്ടറിയും പ്രമുഖ പണ്ഢിതനുമായിരുന്ന ശൈഖുനാ ചെറുശ്ശേരി സൈനുദ്ദീന്‍ മുസ്‌ലിയാരുടെ വിയോഗത്തിന്റെ ഒന്നാം ആണ്ടിനോടനുബന്ധിച്ച് സമസ്ത ബഹ്‌റൈന്‍ ഘടകം സംഘടിപ്പിക്കുന്ന അനുസ്മരണവും പ്രാര്‍ത്ഥനാ സദസ്സും വെള്ളിയാഴ്ച രാത്രി 9മണിക്ക് മനാമ ഗോള്‍ഡ് സിറ്റിയിലെ സമസ്ത ഓഡിറ്റോറിയത്തില്‍ നടക്കുമെന്ന് ബന്ധപ്പെട്ടവര്‍ അറിയിച്ചു.

അനുസ്മരണ സമ്മേളനം പാണക്കാട് സയ്യിദ് ബഷീര്‍ അലി ശിഹാബ് തങ്ങള്‍ ഉദ്ഘാടനം ചെയ്യും. തുടര്‍ന്ന് നടക്കുന്ന പ്രാര്‍ത്ഥനാ സദസ്സിനും തങ്ങള്‍ നേതൃത്വം നല്‍കും.

പ്രമുഖ വാഗ്മിയും എസ്.വൈ.എസ് സെക്രട്ടറിയുമായ ഉസ്താദ് ആനമങ്ങാട് മുഹമ്മദ് കുട്ടി ഫൈസി മുഖ്യപ്രഭാഷണം നടത്തും.
സമസ്ത ബഹ്‌റൈന്‍ കേന്ദ്രഏരിയാ നേതാക്കള്‍ സംബന്ധിക്കും. കൂടുതല്‍ വിവരങ്ങള്‍ക്ക്. +97333049112

കുവൈത്തില്‍ ചെറുശ്ശേരി ഉസ്താദ് അനുസ്മരണം വെള്ളിയാഴ്ച

കുവൈത്ത് സിറ്റി: കുവൈത്ത് ഇസ്‌ലാമിക് കൗണ്‍സില്‍ കേന്ദ്ര കമ്മിറ്റിയുടെ ആഭിമുഖ്യത്തില്‍ സംഘടിപ്പിക്കുന്ന ചെറുശ്ശേരി ഉസ്താദ് അനുസ്മരണവും ദിക്ര്‍ മജ്‌ലിസും ഫെബ്രുവരി 10 ന് വെള്ളി വൈകുന്നേരം 7. 30 ന് അബ്ബാസിയ റിഥം ഓഡിറ്റോറിയത്തില്‍ വെച്ചു നടക്കും. ശംസുദ്ധീന്‍ ഫൈസി എടയാറ്റുറിന്റെ അധ്യക്ഷതയില്‍ നടക്കുന്ന പരിപാടി ബഹ്‌റൈന്‍ സമസ്ത പ്രസിഡണ്ട് സയ്യിദ് ഫഖ്‌റുദ്ധീന്‍ തങ്ങള്‍ ഉദ്ഘാടനം ചെയ്യും . ഹംസ ബാഖവി നദ്‌വി അനുസ്മരണ പ്രഭാഷണം നടത്തും. പ്രമുഖ പണ്ഡിതര്‍ നേതൃത്വം നല്‍കുന്ന ദിക്ര്‍ മജ്‌ലിസും നടക്കും.