കട്ടപ്പന: പതിനേഴുകാരിയെ വിവാഹ വാഗ്ദാനം നല്‍കി പീഡിപ്പിച്ച പത്തൊമ്പതുകാരന്‍ പിടിയില്‍.
കല്ലുകുന്ന് പീടികപ്പുരയിടം അഖിലാണ്(19) പിടിയിലായത്. ഏപ്രില്‍ 14 ന് പെണ്‍കുട്ടിയുടെ അയല്‍പ്പക്കത്തെ വീട്ടിലാണ് ആദ്യം പീഡനം നടന്നത്. തുടര്‍ന്ന് ഇരുവരുടെയും വീടുകളില്‍ വച്ച് പലതവണ പീഡിപ്പിക്കപ്പെട്ടു. കഴിഞ്ഞ ദിവസം പെണ്‍കുട്ടിയേയും കൂട്ടി പ്രതി ഒളിച്ചോടി. എന്നാല്‍ പെണ്‍കുട്ടിയെ കാണാനില്ലെന്ന് രക്ഷിതാക്കള്‍ പൊലിസില്‍ പരാതി നല്‍കി.
തുടര്‍ന്ന് നടത്തിയ അന്വേഷണത്തില്‍ അന്ന് അര്‍ദ്ധരാത്രിയോടെ ചെറുതോണിയില്‍ നിന്ന് ഇരുവരെയും പിടികൂടുകയായിരുന്നു. പ്രതിയെ കോടതിയില്‍ ഹാജരാക്കി റിമാന്റു ചെയ്തു.