ന്യൂഡല്‍ഹി: ഇന്ത്യയിലെ പ്രത്യേക രാഷ്ട്രീയസാഹചര്യത്തില്‍ കോണ്‍ഗ്രസുമായി സഹകരിക്കുന്നതു സംബന്ധിച്ച വിഷയത്തില്‍ സി.പി.എം നേതൃത്വത്തില്‍ രൂപപ്പെട്ട ഭിന്നത അയവില്ലാതെ തുടരുന്നതിനിടെ മൂന്നുദിവസത്തെ പാര്‍ട്ടി കേന്ദ്രകമ്മിറ്റി യോഗത്തിന് കൊല്‍ക്കത്തയില്‍ ഇന്നു തുടക്കമാകും.

കോണ്‍ഗ്രസുമായി ഒരുതരത്തിലുള്ള നീക്കുപോക്കും പാടില്ലെന്ന വാദത്തില്‍ പ്രകാശ് കാരാട്ടിന്റെ നേതൃത്വത്തിലുള്ള ഒരുവിഭാഗവും സാഹചര്യത്തിനനുസരിച്ച് സഖ്യമാവാമെന്ന നിലപാടില്‍ ജനറല്‍ സെക്രട്ടറി സീതാറാം യെച്ചൂരി പക്ഷവും ഉറച്ചുനില്‍ക്കുകയാണ്. യോഗത്തില്‍ പോളിറ്റ് ബ്യൂറോയുടെ ഔദ്യോഗിക രേഖ പ്രകാശ് കാരാട്ട് അവതരിപ്പിക്കും. സീതാറാം യെച്ചൂരി ബദല്‍ രേഖയും അവതരിപ്പിക്കും.