കോഴിക്കോട്: ലോ അക്കാദമി സമരം വിജയിച്ചതിനു ആരും അവകാശവാദം ഉന്നയിക്കേണ്ടെന്ന് മുസ്ലിംലീഗ് നേതാവ് പി.കെ.കുഞ്ഞാലിക്കുട്ടി എം.എല്‍.എ . അതു രാഷ്ട്രീയ സമരമല്ലെന്നും വിദ്യാര്‍ഥികളുടെ കൂട്ടായ്മയുടെ വിജയമാണെന്നും അദ്ദേഹം കോഴിക്കോട്ട് മാധ്യമ പ്രവര്‍ത്തകരോടു പറഞ്ഞു.
കെ.മുരളീധരന്‍ എം.എല്‍.എ നടത്തിയ സമരം വിദ്യാര്‍ഥി സമരത്തിനു ശക്തി പകര്‍ന്നിട്ടുണ്ട്. ലോ അക്കാദമിയുടെ ഭൂമി ഏറ്റെടുക്കുന്നതു സംബന്ധിച്ച് സംസ്ഥാന സര്‍ക്കാര്‍ തീരുമാനമെടുക്കണം.
അഹമ്മദിന്റെ മരണത്തില്‍ ബി.ജെ.പിയുടെ മനുഷ്യത്വമില്ലയ്മയാണ് കണ്ടത്. അഹമ്മദിന്റെ കുടുംബവുമായി ആലോചിച്ചശേഷം മറ്റു നടപടികള്‍ സ്വീകരിക്കുമെന്ന് കുഞ്ഞാലിക്കുട്ടി പറഞ്ഞു.