കോഴിക്കോട്: റേസിങ് ബൈക്കുകളുടെ നിര്‍മാതാക്കളായ കെ.ടി.എം സംഘടിപ്പിച്ച സ്റ്റണ്ട് ഷോ കാണികളെ വിസ്മയത്തിന്റെ മുള്‍മുനയില്‍ നിര്‍ത്തി. പ്രൊഫഷനല്‍ സ്റ്റണ്ട് റൈഡര്‍മാരുടെ വിസ്മയിപ്പിക്കുന്ന സാഹസിക പ്രകടനങ്ങള്‍ കാണികളെ ആകര്‍ഷിച്ചു. കെ.ടി.എം ബൈക്കിന്റെ കരുത്തും സൗന്ദര്യവും സാഹസികതയും ജനങ്ങളിലെത്തിക്കുകയാണ് സ്റ്റണ്ട് ഷോയുടെ ഉദ്ദേശ്യം. വേങ്ങേരി വെജിറ്റബിള്‍ മാര്‍ക്കറ്റിലാണ് സ്റ്റണ്ട് പ്രകടനങ്ങള്‍ അരങ്ങേറിയത്.
കെ.ടി.എം ബ്രാന്‍ഡ് റേയ്‌സിങിന്റെയും സാഹസികതയുടെയും പര്യായമാണെന്ന് ബജാജ് ഓട്ടോ ലിമിറ്റഡ് പ്രോബൈക്കിങ് സീനിയര്‍ വൈസ് പ്രസിഡന്റ് അമിത് നന്തി പറഞ്ഞു.