ഫൈസാബാദ്: സമസ്ത കേരള ജംഇയ്യത്തുല്‍ ഉലമ മുശാവറ അംഗവും ചരിത്രകാരനുമായിരുന്ന മര്‍ഹൂം പി.പി മുഹമ്മദ് ഫൈസിയുടെ സ്മരണയ്ക്കായിശിഷ്യര്‍ ഏര്‍പ്പെടുത്തിയ പുരസ്‌കാരം പ്രൊഫ. കെ. ആലിക്കുട്ടി മുസ്‌ലിയാര്‍ക്ക് സമ്മാനിക്കും. അരനൂറ്റാണ്ട് കാലം ദര്‍സീ രംഗത്ത് ചെയ്ത സേവനം മുന്‍നിര്‍ത്തിയാണ് അവാര്‍ഡ്.
സമസ്ത ജനറല്‍ സെക്രട്ടറിയും പട്ടിക്കാട് ജാമിഅ നൂരിയ്യ പ്രിന്‍സിപ്പലും കാസര്‍കോട് ഖാസിയുമായ ആലിക്കുട്ടി മുസ്‌ലിയാര്‍ അന്തര്‍ദേശീയ തലത്തില്‍ അറിയപ്പെടുന്ന പണ്ഡിതനാണ്. ഇന്ന് ജാമിഅ പൊതുസമ്മേളനത്തില്‍ പുരസ്‌കാര തുകയും പ്രശസ്തി ഫലകയും പാണക്കാട് സയ്യിദ് ഹൈദരലി ശിഹാബ് തങ്ങള്‍ സമ്മാനിക്കും.