കൊട്ടിയം: കുരീപ്പള്ളിയില്‍ പതിനാലുകാരനെ അമ്മ കൊലപ്പെടുത്തിയ കേസില്‍ പൊലിസിന്റെ ചോദ്യം ചെയ്യല്‍ തുടരുന്നു. കഴിഞ്ഞദിവസം ബന്ധുക്കളെയും അയല്‍ക്കാരെയും ഉള്‍പ്പെടെ 10പേരെ അന്വേഷണസംഘം ചോദ്യം ചെയ്തു. അന്ധവിശ്വാസത്തിന് അടിമയായിരുന്നു ജിത്തുവിന്റെ അമ്മ ജയമോളെന്ന് ചോദ്യം ചെയ്യലില്‍ വിവരം ലഭിച്ചതായി പൊലിസ് പറഞ്ഞു.
ജയമോള്‍ക്ക് സാത്താന്‍ വിശ്വാസത്തെക്കുറിച്ചുള്ള ചിന്തകളും വിഷാദരോഗവും ഉണ്ടായിരുന്നതായും ചിലര്‍ ചോദ്യം ചെയ്യലില്‍ പറഞ്ഞു. പെട്ടെന്നു കോപിക്കുന്ന സ്വഭാവമായിരുന്നു ജയമോള്‍ക്ക്. വീട്ടിലെ ലാന്‍ഡ്‌ഫോണില്‍ നിന്നുള്ള വിളികളുടെ വിശദവിവരം ബി.എസ്.എന്‍.എല്ലില്‍ നിന്നു ലഭിച്ചിട്ടില്ലെന്ന് പൊലിസ് പറഞ്ഞു.
കൊട്ടാരക്കര ജയിലില്‍ റിമാന്‍ഡില്‍ കഴിയുന്ന ജയമോളെ കസ്റ്റഡിയില്‍ വാങ്ങാനായി പൊലിസ് ഇന്നു കോടതിയില്‍ അപേക്ഷ നല്‍കും.