മനാമ: ബഹ്‌റൈന്‍ കെ.എം.സി.സി ഓഖി ദുരന്തനിധിയിലേക്കു സ്വരൂപിച്ച ധനസഹായം മുഖ്യമന്ത്രി പിണറായി വിജയനു കൈമാറി. തിരുവനന്തപുരത്തു നടന്ന ലോക കേരളസഭയുടെ പ്രഥമ സമ്മേളനത്തോടനുബന്ധിച്ചു സംഘടിപ്പിച്ച ചടങ്ങില്‍ കെ.എം.സി.സി പ്രസിഡന്റ് എസ്.വി ജലീല്‍ ആണ് മുഖ്യമന്ത്രിക്ക് ചെക്ക് കൈമാറിയത്.
പ്രതിപക്ഷ നേതാവ് രമേശ് ചെന്നിത്തല, പാറക്കല്‍ അബ്ദുല്ല എം.എല്‍.എ, എന്‍. ഷംസുദ്ദീന്‍ എം.എല്‍.എ, സഊദി കെ.എം.സി.സി പ്രസിഡന്റ് കെ.പി മുഹമ്മദ്കുട്ടി ചടങ്ങില്‍ സംബന്ധിച്ചു.