കൊല്ലം: തമിഴ്‌നാട്ടില്‍ വാഹനാപകടത്തില്‍ കൊല്ലം പള്ളിമുക്ക് സ്വദേശികളായ രണ്ടു പേര്‍ മരിച്ചു. പള്ളമുക്ക് എന്‍.എന്‍.സി ഡ്യൂട്ടി ഫ്രീ ഷോപ്പ് ഉടമ എം അബ്ദുല്‍ റഹീം, കൊല്ലൂര്‍വിള പള്ളിയില്‍ മയ്യിത്ത് അടക്കം ചെയ്യുന്നതിന് സഹായിയായ  അബ്ദുല്‍ റഹ്മാന്‍ എന്നിവരാണ് മരിച്ചത്.

ഇവരോടൊപ്പം യാത്രചെയ്തിരുന്ന അബ്ദുല്‍ കരീം, സലീം എന്നിവരെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു. ഇന്ന് പുലര്‍ച്ചെ നാഗൂരില്‍ നിന്ന കൊല്ലത്തേക്ക് മടങ്ങവെ കാര്‍ നിയന്ത്രണം വിട്ട് കാര്‍ മരത്തിലിടിച്ചാണ് അപകടമെന്ന് ബന്ധുക്കള്‍ പറഞ്ഞു.