മലപ്പുറം: പെരിന്തല്‍മണ്ണയില്‍ മുസ്‌ലിം ലീഗിന്റെ നിയോജക മണ്ഡലം ഓഫിസ് എസ്.എഫ്.ഐക്കാര്‍ അടിച്ചു തകര്‍ത്തതില്‍ പ്രതിഷേധിച്ച് പെരിന്തല്‍മണ്ണ താലൂക്കില്‍ യു.ഡി.എഫ് ആഹ്വാനം ചെയ്ത ഹര്‍ത്താല്‍ പുരോഗമിക്കുന്നു. ഹര്‍ത്താല്‍ അനുകൂലികൂലികള്‍ വിവിധയിടങ്ങളില്‍ പ്രതിഷേധ പ്രകടനവുമായെത്തി വാഹനങ്ങള്‍ തടഞ്ഞു. കെ.എസ്.ആര്‍.ടി.സി ഉള്‍പ്പടെയുള്ള വാഹനങ്ങള്‍ തടയുകയാണ്. അതിനിടെ വാര്‍ത്ത റിപ്പോര്‍ട്ട് ചെയ്യാനെത്തിയ മാധ്യമ പ്രവര്‍ത്തകരെയും ഹര്‍ത്താല്‍ അനുകൂലികള്‍ തടഞ്ഞുവെച്ചു.

നേരത്തെ ജില്ലാ ഹര്‍ത്താല്‍ എന്നായിരുന്നു പ്രഖ്യാപിച്ചിരുന്നതെങ്കിലും പിന്നീട് പെരിന്തല്‍മണ്ണ താലൂക്കില്‍ മാത്രമാക്കി ചുരുക്കുകയായിരുന്നു. തകര്‍ക്കപ്പെട്ട മുസ്്‌ലിംലീഗ് ഓഫീസ് ഇന്ന് ഉമ്മന്‍ചാണ്ടി സന്ദര്‍ശിക്കും.