മണ്ണാര്‍ക്കാട്: എടത്തനാട്ടുകര അനാഥശാല പൂര്‍വ വിദ്യാര്‍ഥി 'സ്‌നേഹ സംഗമം' നാളെ കാലത്ത് 9:30 മുതല്‍ യതീഖാന അങ്കണത്തില്‍ നടക്കും. ജീവകാരുണ്യ സേവന മേഖലയില്‍ പൂര്‍വ വിദ്യാര്‍ഥികള്‍ തുടക്കമിട്ട കര്‍മ പരിപാടികള്‍ കൂടുതല്‍ സജീവമാക്കുന്നതിനും വേര്‍പെട്ടുപോയ പഴയ കളിക്കൂട്ടുകാരെ നേരില്‍ കാണുന്നതിനുമാണ് സ്‌നേഹ സംഗമം ഒരുക്കിയിട്ടുള്ളത്.
യതീഖാനയുടെ വിദ്യാഭ്യാസ സാമൂഹ്യ ശാക്തീകരണത്തിന് വൈവിധ്യമായ പ്രവര്‍ത്തന പരിപാടികള്‍ക്ക് രൂപം നല്‍കുക എന്നതും പൂര്‍വവിദ്യാര്‍ഥി സ്‌നേഹ സംഗമത്തിന്റെ ലക്ഷ്യമാണ്. അഡ്വ. എന്‍.ഷംസുദ്ദീന്‍ എം.എല്‍.എ ഉദ്ഘാടനം ചെയ്യും.
ഉല്‍ബോധന സദസും കലാപരിപാടികളുമുണ്ടാകും.