വാളാട്: വാളാട് ഗവ.ഹൈസ്‌കൂളില്‍ നിര്‍മിച്ച പ്ലസ്ടു ബ്ലോക്ക് സഹകരണമന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്തു. വിരമിക്കുന്ന പ്രിന്‍സിപ്പല്‍ ഇ.ജി രാജുവിനുള്ള ഉപഹാരവും അദ്ദേഹം നല്‍കി. ഒ.ആര്‍ കേളു എം.എല്‍.എ അധ്യക്ഷനായി. ചടങ്ങില്‍ മഴവെള്ള സംഭരണിയുടെ പ്രവൃത്തി ഉദ്ഘാടനം, സ്‌കൗട്ട് യൂനിറ്റ്, എന്‍.എസ്.എസ് യൂനിറ്റ് ഓഫിസ്, സുഖാലയം സ്‌കൂള്‍ ഹെല്‍ത്ത് ക്ലബ് എന്നിവയുടെ ഉദ്ഘാടനവും നടന്നു. ജില്ലാ പഞ്ചായത്ത് പ്രസിഡന്റ് ടി ഉഷാകുമാരി, വൈസ് പ്രസിഡന്റ് പി.കെ അസ്മത്ത്, വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ എ ദേവകി, ജില്ലാ പഞ്ചായത്തംഗം പ്രഭാകരന്‍ മാസ്റ്റര്‍, മാനന്തവാടി ബ്ലോക്ക ്പഞ്ചായത്ത് പ്രസിഡന്റ് പ്രീതാരാമന്‍, തവിഞ്ഞാല്‍ ഗ്രാമപഞ്ചായത്ത് പ്രസിഡന്റ് അനിഷാ സുരേന്ദ്രന്‍, പി.ടി.എ പ്രസിഡന്റ് എന്‍.എം സണ്ണി, എം.പി.ടി.എ പ്രസിഡന്റ് ശാന്താ വിജയന്‍, പ്രധാനാധ്യാപകന്‍ പി.എ സ്റ്റാനി തുടങ്ങിയവര്‍ സംബന്ധിച്ചു. പി.ഡബ്ല്യു.ഡി എക്‌സി.എന്‍ജിനിയര്‍ എം അശോക് കുമാര്‍ റിപ്പോര്‍ട്ട് അവതരിപ്പിച്ചു. പ്രിന്‍സിപ്പല്‍ ഇ.ജി രാജു സ്വാഗതവും സ്റ്റാഫ് സെക്രട്ടറി കെ.എം വിന്‍സെന്റ് നന്ദിയും പറഞ്ഞു. മുന്‍ മന്ത്രി പി.കെ ജയലക്ഷ്മിയുടെ ആസ്തി വികസന ഫണ്ടില്‍ നിന്നും സര്‍ക്കാരിന്റെ പ്ലാന്‍ ഫണ്ടില്‍ നിന്നും അനുവദിച്ച തുക ഉപയോഗിച്ചാണ് പുതിയ ബ്ലോക്ക് നിര്‍മിച്ചത്.