കോതമംഗലം: കോതമംഗലത്ത് നിന്ന് ശനിയാഴ്ച്ച കാണാതായ 19കാരികളായരണ്ട് യുവതികളില്‍ ഒരാള്‍ കാമുകനൊപ്പം സ്റ്റേഷനില്‍ നേരിട്ടെത്തി ഹാജരായി.
മറ്റേ യുവതിക്കായി തിരച്ചില്‍ തുടരുന്നു. ശനിയാഴ്ച്ച രാവിലെ മുതലാണ് മാലിപ്പാറ സ്വദേശിനിയായ കംപ്യൂട്ടര്‍ വിദ്യാര്‍ഥിനിയേയും വടാട്ടുപാറ സ്വദേശിനിയായ മറ്റൊരു വിദ്യാര്‍ഥിനിയേയും കാണാതായത്.
 ശനിയാഴ്ച്ച വൈകിട്ടായിട്ടും യുവതികളെ കാണാത്തതിനെ തുടര്‍ന്ന് വീട്ടുകാര്‍ കോതമംഗലം പൊലിസില്‍ പരാതി നല്‍കുകയായിരുന്നു. പൊലിസും വീട്ടുകാരും തിരയുന്നുണ്ടെന്ന് മനസ്സിലാക്കിയ മാലിപ്പാറ സ്വദേശിനി യുവതിയും കാമുകനായ ബസ് ജീവനക്കാരനും ഞായറാഴ്ച വൈകിട്ടോടെ കോതമംഗലം പൊലിസ് മുറ്റഷനില്‍ നേരിട്ടെത്തി ഹാജരായി. മാതാപിതാക്കള്‍ക്കൊപ്പം വിട്ടയച്ച പെണ്‍കുട്ടിയെ നാളെ കോടതിയില്‍ ഹാജരാക്കും. വടാട്ടു പാറ സ്വദേശിനി 19 കാരിക്കായി പൊലിസ് അന്വേഷണം ഊര്‍ജ്ജിതമാക്കിയിട്ടുണ്ട്.