മലപ്പുറം: സമസ്ത കേരള സുന്നി മഹല്ല് ഫെഡറേഷന്‍ സംസ്ഥാന കമ്മിറ്റിക്ക് കീഴില്‍ കാസര്‍കോട് കൈതക്കാട് വച്ച് ഏപ്രിലില്‍ നടക്കുന്ന ലൈറ്റ് ഓഫ് മദീനയുടെ പ്രചാരണാര്‍ഥം നടത്തുന്ന മധ്യ മേഖല ക്യാംപ് കുന്നംകുളം എരുമപ്പെട്ടി റംലി ഓര്‍ഫനേജില്‍ ജനുവരി 27 ന് നടക്കും. മലപ്പുറം, പാലക്കാട്, തൃശൂര്‍ എന്നീ ജില്ലകളില്‍ പ്രവര്‍ത്തിക്കുന്ന എസ്.എം.എഫ് മേഖല, ജില്ലാ ഭാരവാഹികളാണ് പങ്കെടുക്കേണ്ടത്.
പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യുന്ന യോഗത്തില്‍ സമസ്ത മുശാവറ അംഗങ്ങളായ ചെറുവാളൂര്‍ ഹൈദ്രോസ് മുസ്‌ലിയാര്‍, എസ്.എം.കെ തങ്ങള്‍, എം.എം മുഹ്‌യിദ്ദീന്‍ മുസ്‌ലിയാര്‍ ആലുവ, എം.പി കുഞ്ഞി മുഹമ്മദ് മുസ്‌ലിയാര്‍ നെല്ലായ, മുക്കം ഉമര്‍ ഫൈസി, ഡോ. ബഹാഉദ്ദീന്‍ മുഹമ്മദ് നദ്‌വി എന്നിവര്‍ പങ്കെടുക്കും.
യു. മുഹമ്മദ് ശാഫി ഹാജി, കാളാവ് സൈതലവി മുസ്‌ലിയാര്‍, ഹംസ ബിന്‍ ജമാല്‍ റംലി, കെ.എം സൈതലവി ഹാജി, എ.കെ ആലിപ്പറമ്പ്, സി.ടി അബ്ദുല്‍ ഖാദര്‍ തൃക്കരിപ്പൂര്‍, മുനീര്‍ ഹുദവി ഫറോക്ക്, ഹകീം മാസ്റ്റര്‍ കാസര്‍കോട്, മുസ്തഫ അശ്‌റഫി കക്കുപടി എന്നിവര്‍ വിവിധ സെഷനുകളില്‍ ക്ലാസെടുക്കും. വിശദ വിവിരങ്ങള്‍ക്ക് ബന്ധപ്പെടുക : 9961081443.