കടമേരി: റഹ്മാനിയ്യ അറബിക് കോളജ് ഗോള്‍ഡന്‍ ജൂബിലി പ്രഖ്യാപന സനദ്ദാന സമ്മേളനത്തിന് നാളെതുടക്കം. നാളെ ജുമുഅ നിസ്‌കാരാനന്തരം സയ്യിദ് ആറ്റക്കോയ തങ്ങളുടെ നേതൃത്വത്തില്‍ സിയാറത്ത് നടക്കും. കോളജ് പ്രിന്‍സിപ്പല്‍ എം.ടി അബ്ദുല്ല മുസ്‌ലിയാര്‍ പതാക ഉയര്‍ത്തും. മഗ്‌രിബിനു ശേഷം റഹ്മാനിയ്യക്ക് നാലു പതിറ്റാണ്ടോളം നേതൃത്വം നല്‍കിയ കോട്ടുമല ടി.എം ബാപ്പു മുസ്‌ലിയാരുടെ അനുസ്മരണ ചടങ്ങ് സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. മാനേജര്‍ ചീക്കിലോട്ട് കുഞ്ഞബ്ദുല്ല മുസ്‌ലിയാര്‍ അധ്യക്ഷനാകും. ചേലക്കാട് മുഹമ്മദ് മുസ്‌ലിയാര്‍ പ്രാര്‍ഥനയും ഹംസ റഹ്മാനി കൊണ്ടിപ്പറമ്പ് അനുസ്മരണ പ്രഭാഷണവും നടത്തും. തുടര്‍ന്ന് നടക്കുന്ന മജ്‌ലിസുന്നൂര്‍ സദസിന് മംഗലാപുരം ഖാസി ത്വാഖാ അഹ്മദ് മൗലവി നേതൃത്വം നല്‍കും.
ശനിയാഴ്ച രാവിലെ നടക്കുന്ന 'ഒരുമ' സെഷന്‍ എ.വി അബ്ദുറഹ്മാന്‍ മുസ്‌ലിയാര്‍ ഉദ്ഘാടനം ചെയ്യും. സയ്യിദ് ടി.പി.സി തങ്ങള്‍ നാദാപുരം അധ്യക്ഷനാകും. കെ.എം ലത്വീഫ് നദ്‌വി, ജഅ്ഫര്‍ സ്വാദിഖ് റഹ്മാനി കിടങ്ങയം വിഷയാവതരണം നടത്തും. ഉച്ചക്ക് രണ്ടിന് നടക്കുന്ന 'മുന്നേറ്റം' വിദ്യാര്‍ഥി യുവജന പ്രവാസി സംഗമം പാറക്കല്‍ അബ്ദുല്ല എം.എല്‍.എ ഉദ്ഘാടനം ചെയ്യും. ഇബ്‌റാഹിം മുറിച്ചാണ്ടി അധ്യക്ഷനാകും. ഓണംപിള്ളി മുഹമ്മദ് ഫൈസി, നാസര്‍ ഫൈസി കൂടത്തായി, എം.എ സമദ് എന്നിവര്‍ വിഷയാവതരണം നടത്തും. രാത്രി നടക്കുന്ന ഹാഫിള് അഹ്മദ് കബീര്‍ ബാഖവി കാഞ്ഞാറിന്റെ മതപ്രഭാഷണം പാണക്കാട് സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്യും. റഹ്മാനിയ്യ വര്‍ക്കിങ് പ്രസിഡന്റ് എസ്.പി.എം തങ്ങള്‍ അധ്യക്ഷനാകും. വില്യാപ്പള്ളി ഇബ്‌റാഹിം മുസ്‌ലിയാര്‍, സി.എച്ച് മഹ്മൂദ് സഅദി പ്രസംഗിക്കും.
ഞായറാഴ്ച രാവിലെ 'കുടുംബം' സെഷന്‍ പാണക്കാട് സയ്യിദ് ശഹീറലി ശിഹാബ് തങ്ങള്‍ ഉദ്ഘാടനം ചെയ്യും. റഫീഖ് സകരിയ ഫൈസി, മുഹമ്മദ് നിസാം പാവറട്ടി, ചിറക്കല്‍ ഹമീദ് ഫൈസി, ബശീര്‍ ഫൈസി ചീക്കോന്ന്, നവാസ് പൂനൂര്‍, എ. സജീവന്‍ പ്രസംഗിക്കും. ഉച്ചക്ക് 'സമാഗമം' സെഷന്‍ പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. സിദ്ദീഖ് നദ്‌വി ചേറൂര്‍, അബ്ദുറഹ്മാന്‍ ഫൈസി അരിപ്ര, ശാജഹാന്‍ റഹ്മാനി, ഹനീഫ് റഹ്മാനി പ്രസംഗിക്കും.
വൈകുന്നേരം അഞ്ചിന് സമാപന പൊതുസമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് ജിഫ്‌രി മുത്തുക്കോയ തങ്ങള്‍ സനദ്ദാന പ്രഭാഷണം നടത്തും. കെ. ആലിക്കുട്ടി മുസ്‌ലിയാര്‍ അദ്ധ്യക്ഷനാകും. വാവാട് കുഞ്ഞിക്കോയ മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും. സയ്യിദ് സാദിഖലി ശിഹാബ് തങ്ങള്‍, സയ്യിദ് നാസര്‍ ഹയ്യ് ശിഹാബ് തങ്ങള്‍, പി.കെ.പി അബ്ദുസ്സലാം മുസ്‌ലിയാര്‍, എം.ടി അബ്ദുല്ല മുസ്‌ലിയാര്‍, കൊയ്യോട് ഉമര്‍ മുസ്‌ലിയാര്‍, പി.കെ കുഞ്ഞാലിക്കുട്ടി എം.പി, മുല്ലപ്പള്ളി രാമചന്ദ്രന്‍ എം.പി, എം.കെ മുനീര്‍ എം.എല്‍.എ തുടങ്ങിയ മത രാഷ്ട്രീയ സാംസ്‌കാരിക പ്രമുഖര്‍, സമസ്ത മുശാവറ അംഗങ്ങള്‍, വിവിധ സ്ഥാപന മേധാവികള്‍ സംബന്ധിക്കും. അബ്ദുല്‍ ഹമീദ് ഫൈസി അമ്പലക്കടവ്, ഫരീദ് റഹ്മാനി കാളികാവ് സമാപന പ്രഭാഷണം നടത്തും.