ചൗക്കി: നാടിന്റെ ഒരുമയും മതസൗഹാര്‍ദ്ദവും നാട്ടുകാരുടെ കൂട്ടായ്മയും വിളിച്ചോതി ക്ലബ് പ്രവര്‍ത്തകര്‍ ക്ഷേത്ര കളിയാട്ട മഹോത്സവത്തിനുള്ള ഭക്ഷണ സാധനങ്ങളുമായി ക്ഷേത്രസന്നിധിയില്‍ എത്തി.
എരിയാകോട്ട ഭഗവതി ക്ഷേത്ര കളിയാട്ട മഹോത്സവത്തോടനുബന്ധിച്ച് ഊട്ടുപുരയിലേക്കുള്ള ഭക്ഷണ സാധനങ്ങളുമായി നുസ്രത്ത് ചൗക്കി പ്രവര്‍ത്തകരാണ് എത്തിയത്.

നുസ്രത്ത് ആര്‍ട്‌സ് ആന്റ് സ്‌പോര്‍ട്‌സ് ക്ലബ് ചൗക്കി, നുസ്രത്ത് ജി.സി.സി കമ്മിറ്റി എന്നിവരുടെ കൂട്ടായ്മയിലാണ് ഭക്ഷണസാധനങ്ങള്‍ ക്ഷേത്രസന്നിധിയിലെത്തിച്ചത്. ക്ഷേത്ര കമ്മിറ്റി പ്രസിഡന്റ് ബി. പത്മനാഭന്‍ സെക്രട്ടറി കെ. ദിവാകരന്‍ എന്നിവരുടെ സാന്നിധ്യത്തില്‍ ക്ഷേത്ര കാരണവര്‍ ചന്ദ്രശേഖര ഏറ്റുവാങ്ങി. ക്ലബ് പ്രസിഡന്റ് മുത്തലിബ്, സെക്രട്ടറി സെയ്ദു മൂന്ന് കണ്ടം, രക്ഷാധികാരി കരീം ചൗക്കി, നുസ്രത്ത് ജി.സി.സി ജനറല്‍ സെക്രട്ടറി ഖലീല്‍ മദ്‌റസ വളപ്പില്‍, വൈസ് പ്രസിഡന്റുമാരായ ഷുക്കൂര്‍, മുക്രി കുഞ്ഞാമു കീഴൂര്‍, ക്ലബ് ഭാരവാഹികളായ നിസാഫ്, അമ്മുട്ടി, ഷാനിദ്, റഹീം, സത്താര്‍ കുണ്ടം, സിനാന്‍ , ഫൈറൂസ്, സാബിഖ്, റാഷിദ് ചടങ്ങില്‍ സംബന്ധിച്ചു.