ചെറുതുരുത്തി: നിയുക്ത ചേലക്കര എം.എല്‍.എ യു.ആര്‍ പ്രദീപ് നിയോജക മണ്ഡലത്തിന്റെ വിവിധ കേന്ദ്രങ്ങളിലെത്തി വോട്ടര്‍മാര്‍ക്ക് നന്ദി അറിയിച്ചു.
വള്ളത്തോള്‍ നഗര്‍, മുള്ളൂര്‍ക്കര, വരവൂര്‍, ദേശമംഗലം പഞ്ചായത്തുകളിലായിരുന്നു ഇന്നലെ പ്രദീപിന്റെ നന്ദി പ്രകടന പര്യടനം. വള്ളത്തോള്‍നഗര്‍ പഞ്ചായത്തിലെ എന്‍.ആര്‍.ഐ കമ്പനി പരിസരത്ത് നിന്ന് ആരംഭിച്ച പര്യടനം ദേശമംഗലം തലശ്ശേരിയില്‍ സമാപിച്ചു. സമാപന സമ്മേളനത്തില്‍ കെ.സി അരവിന്ദാക്ഷന്‍, എം.സുകുമാരന്‍, ഭാഗ്യനാഥ് നീണ്ടൂര്‍ സംസാരിച്ചു.