ന്യൂഡല്‍ഹി: പ്രധാനമന്ത്രിയുടെ ഓഫിസിന്റെ (പി.എം.ഒ) വെബ്‌സൈറ്റ് ഇനി മലയാളം ഉള്‍പ്പെടെയുള്ള ആറ് ഇന്ത്യന്‍ ഭാഷകളിലും ലഭിക്കും. നേരത്തെ ഇംഗ്ലീഷ്, ഹിന്ദി ഭാഷകളില്‍ മാത്രം ഉണ്ടായിരുന്ന വെബ്‌സൈറ്റ് മലയാളത്തിനു പുറമേ തെലുങ്ക്, മറാത്തി, കന്നഡ, തമിഴ്, ഗുജറാത്തി, ബംഗാളി എന്നീ ഭാഷകളില്‍കൂടിയാണ് ലഭിക്കുക.
മോദി സര്‍ക്കാരിന്റെ രണ്ടാംവാര്‍ഷികത്തോടനുബന്ധിച്ചാണു വെബ്‌സൈറ്റ് കൂടുതല്‍ ഭാഷകളില്‍ ലഭ്യമാക്കിയത്. പുതിയ വെബ്‌സൈറ്റുകളുടെ ഉദ്ഘാടനം വിദേശകാര്യമന്ത്രി സുഷമാ സ്വരാജ് ഇന്നലെ ഡല്‍ഹിയില്‍ നിര്‍വഹിച്ചു. വെബ്‌സൈറ്റ് വിലാസം: http:www.pmindia.gov.inml