തൃശൂര്‍: അനധികൃതമായി നാടന്‍ ബോംബുകളും റിവോള്‍വറും തിരകളും വീട്ടില്‍ സൂക്ഷിച്ച കേസിലെ പിടികിട്ടാപ്പുള്ളി അറസ്റ്റിലായി. ഒല്ലൂര്‍ പൊലിസ് സ്റ്റേഷനില്‍ രജിസ്റ്റര്‍ ചെയ്ത കേസില്‍ ഏഴു വര്‍ഷമായി ഒളിവില്‍ കഴിഞ്ഞു വന്നിരുന്ന മരത്താക്കര പുഴമ്പളം സ്വദേശി തനാശ്ശേരി വീട്ടില്‍ അനില്‍കുമാര്‍ (45)ആണ് അറസ്റ്റിലായത്. എല്‍.പി സ്‌ക്വാഡ് അംഗങ്ങളായ സീനിയര്‍ സി.പി.ഒ വിനോദ്, എന്‍.ശങ്കര്‍, സി.പി.ഒ പ്രീബു, ശശിധരന്‍ തുടങ്ങിയവരാണ് പിടികൂടിയ സംഘത്തിലുള്ളത്. പ്രതിയെ റിമാന്റ് ചെയ്തു.