അരൂര്‍: എഴുപുന്ന ഉള്‍നാടന്‍ മല്‍സ്യതൊഴിലാളി വികസന ക്ഷേമ സഹകരണ സംഘത്തിന്റെ ആഭിമുഖ്യത്തില്‍ ബാലവേദി സംഗമവും പഠനോപകരണ വിതരണവും ഇന്ന് ഉച്ചക്ക് രണ്ടു മണിക്ക് സംഘം ഹാളില്‍ നടക്കും. അഡ്വ. എ.എം ആരീഫ്  ഉദ്ഘാടനം നിര്‍വഹിക്കും.
സംഘം പ്രസിഡന്റ് ടി.കെ. തങ്കപ്പന്‍ മാസ്റ്റര്‍ അദ്ധ്യക്ഷത വഹിക്കും.
മല്‍സ്യഫെഡ് ജില്ല മാനേജര്‍ പി.ടി ജോസഫ് പഠനോപകരണ വിതരണം നടത്തും. സി.പി.ഐ അരൂര്‍ മണഡലം സെക്രട്ടറി ടി.പി. സതീശന്‍, സംഘം ഡയറക്ടര്‍ ബോര്‍ഡ് മെമ്പര്‍ വി.കെ. ചന്ദ്രബോസ്, കെ.പി. മോഹനന്‍ തുടങ്ങിയവര്‍ പ്രസംഗിക്കും.