ന്യൂഡല്‍ഹി: രാഷ്ട്രപതി, ഉപരാഷ്ട്രപതി എന്നിവരുടെ ശമ്പള വര്‍ധനവിനുള്ള ശുപാര്‍ശ ആറ് മാസമായി പ്രധാനമന്ത്രിയുടെ ഓഫിസില്‍ കെട്ടിക്കിടക്കുന്നു.

ഇന്ത്യയുടെ പ്രഥമ പൗരനായ രാഷ്ട്രപതിക്ക് കേന്ദ്ര ജോയിന്റെ് സെക്രട്ടറിയേക്കാള്‍ കുറഞ്ഞ ശമ്പളം മാത്രമാണ് ലഭിക്കുന്നത്. ഏഴാം ശമ്പള കമ്മിഷന്‍ ശുപാര്‍ശ പ്രകാരം കേന്ദ്ര ക്യാബിനറ്റ് സെക്രട്ടറിക്ക് ഇപ്പോള്‍ ലഭിക്കുന്ന ശമ്പളം രണ്ടര ലക്ഷമാണ്. നിലവിലെ ഒന്നര ലക്ഷത്തില്‍ നിന്ന് രാഷ്ട്രപതിയുടെ ശമ്പളം അഞ്ച് ലക്ഷമാക്കണമെന്നാണ് ആഭ്യന്തര മന്ത്രാലയത്തിന്റെ ശുപാര്‍ശ.

ഫയലിന് പ്രധാനമന്ത്രി അനുമതി നല്‍കിയാലും ഇതിന് പാര്‍ലമെന്റ്് അംഗീകാരം നല്‍കേണ്ടതുണ്ട്. ഈ വര്‍ഷം ജൂലായ് വരെയാണ് ഇപ്പോഴത്തെ രാഷ്ട്രപതി പ്രണബ് കുമാര്‍ മുഖര്‍ജിയുടെ കാലാവധി. രാജ്യസഭ, ലോക്‌സഭ അംഗങ്ങളുടെ ശമ്പള വര്‍ദ്ധനക്ക് നല്‍കിയ ശുപാര്‍ശയും പ്രധാനമന്ത്രി കാര്യാലയത്തിന്റെ അനുമതിക്കായി കാത്ത് നില്‍ക്കുകയാണ്.