തിരുവനന്തപുരം: സ്‌കൂള്‍ വിദ്യാര്‍ഥികള്‍ക്കു നേരെ മര്‍ദനം. തിരുവനന്തപുരം കുമാരപുരം ഹയര്‍സെക്കണ്ടറി സ്‌കൂളിനു പുറത്താണ് സംഭവം. ഒരു സംഘം ആളുകള്‍ തങ്ങളെ മര്‍ദിക്കുകയായിരുന്നുവെന്ന് വിദ്യാര്‍ഥികള്‍ പറഞ്ഞു. ഇന്ന് ഉച്ചയ്ക്ക് രണ്ടു മണിയോടെയാണ് സംഭവം.

മര്‍ദനമേറ്റ 11 വിദ്യാര്‍ഥികളെ ആശുപത്രിയില്‍ പ്രവേശിപ്പിച്ചിരിക്കുകയാണ്. തിരുവനന്തപുരം മെഡിക്കല്‍ കോളജ് ആശുപത്രിയിലാണ് ഇവരെ പ്രവേശിപ്പിച്ചത്. മര്‍ദനമേറ്റവരെല്ലാം പ്ലസ് വണ്‍ വിദ്യാര്‍ഥികളാണ്.