മണ്ണാര്‍ക്കാട്: മണ്ണാര്‍ക്കാട് ബ്ലോക്ക് പഞ്ചായത്തില്‍ വിജിലന്‍സിന്റെ മിന്നല്‍ പരിശോധന. തിങ്കളാഴ്ച ഉച്ചയോടെയാണ് പാലക്കാട് നിന്നുളള വിജിലന്‍സ് സംഘം പരിശോധനക്ക് എത്തിയത്.
എസ്.സി, എസ്.ടി വിഭാഗങ്ങള്‍ക്ക് വീട് നിര്‍മിക്കാന്‍ ഭൂമി നല്‍കിയതുമായി ബന്ധപ്പെട്ടുളള പരാതിയെ തുടര്‍ന്നാണ് വിജിലന്‍സ് പരിശോധന നടത്തിയത്.
ഭൂമി കൈമാറ്റവുമായി ബന്ധപ്പെട്ട രേഖകള്‍ കൂടുതല്‍ പരിശോധനക്കായി കൊണ്ടുപോയി. പാലക്കാട് വിജിലന്‍സ് ഡിവൈ.എസ്.പി സുകുമാരന്‍, സി.ഐ ദേവദാസന്‍, എ.എസ്.ഐ ജയശങ്കര്‍ നേതൃത്വത്തിലുളള സംഘമാണ് പരിശോധന നടത്തിയത്.