പട്ടാമ്പി: നിയോജകമണ്ഡലത്തിലെ പൊതുവിദ്യാലയങ്ങളില്‍ മൂന്ന്, നാല് ക്ലാസുകളിലെ മുഴുവന്‍ വിദ്യാര്‍ഥികളും ഭാഷാ ശേഷികള്‍ നേടിയതിന്റെ മണ്ഡലം തല പ്രഖ്യാപനം നടത്തി. പുലാശ്ശേരി എ.എം.എല്‍.പി സ്‌കൂളില്‍ നടന്ന പ്രഖ്യാപന ചടങ്ങിന്റെ ഉദ്ഘാടനം മുഹമ്മദ് മുഹ്‌സിന്‍ എം.എല്‍.എ നിര്‍വഹിച്ചു. കമ്മുകുട്ടി എടത്തോള്‍ അധ്യക്ഷനായി. ഇരുപത്് മണിക്കൂര്‍ നീണ്ടുനിന്ന പ്രവര്‍ത്തനങ്ങളിലൂടെ പ്രത്യേക പരിശീലനമാണ് പഠന പിന്നോക്കം നില്‍ക്കുന്ന വിദ്യാര്‍ഥികള്‍ക്ക് നല്‍കിയത്്. പി സുമിത, വനജകുമാരി, ഇബ്രാഹിം കുട്ടി, എ.ഇ.ഒ ഡി ഷാജിമോന്‍, ഷഹീദലി, ബി.പി.ഒ മണികണ്ഠന്‍, സി.സി ശങ്കരന്‍, ഇ മുസ്തഫ, പി ഫൈസല്‍ ബാബു, വിനോദ്കുമാര്‍, പി.വി രമണി സംബന്ധിച്ചു.