കൊടുവള്ളി: കാലം കോറിയിട്ട ജീവിതക്കാഴ്ച്ചകളുടെ ചിത്രാവിഷ്‌കാരം പ്രേക്ഷക ശ്രദ്ധ പിടിച്ചുപറ്റുന്നു.
കൊടുവള്ളി പ്രസ് ക്ലബ്ലിന്റെ ആഭിമുഖ്യത്തില്‍ നടക്കുന്ന ഫോട്ടോഗ്രാഫര്‍ സുഭാഷ് കൊടുവള്ളിയുടെ ഫോട്ടോ പ്രദര്‍ശനം സാക്ഷി ആണ് വിഷയങ്ങളുടെ വൈവിധ്യം കൊണ്ടണ്ടും ഫോട്ടോഗ്രാഫി മികവ് കൊണ്ടണ്ടും ശ്രദ്ധേയമാകുന്നത്.
കലിക്കറ്റ് പ്രസ്‌ക്ലബ്ബ് പ്രസിഡന്റ് കമാല്‍ വരദൂര്‍ പ്രദര്‍ശനം ഉദ്ഘാടനം ചെയ്തു. കൊടുവള്ളി പ്രസ് ക്ലബ്ബ് പ്രസിഡന്റ് ബഷീര്‍ ആരാമ്പ്രം അധ്യക്ഷനായി.
കൊടുവള്ളി നഗരസഭ അധ്യക്ഷ ശരീഫാ കണ്ണാടിപ്പോയില്‍, ഉപാധ്യക്ഷന്‍ എ.പി മജീദ് മാസ്റ്റര്‍, സ്ഥിരം സമിതി അധ്യക്ഷ റസിയാ ഇബ്രാഹിം, ബാപ്പു വാവാട്, വി. മുഹമ്മദ് കോയ, ഷാജി കൂടരഞ്ഞി, വി.പി മുഹമ്മദ്, കെ.വി അരവിന്ദാക്ഷന്‍, സി.വി അബ്ദുള്ള സംസാരിച്ചു. കൊടുവള്ളി പ്രസ് ക്ലബ്ബ് സെക്രട്ടറി അഷ്‌റഫ് വാവാട് സ്വാഗതവും സുഭാഷ് കൊടുവള്ളി നന്ദിയും പറഞ്ഞു. കൊടുവള്ളി നഗരസഭാ കമ്മ്യൂണിറ്റി ഹാള്‍ പരിസരത്ത് നടക്കുന്ന പ്രദര്‍ശനം നാളെ സമാപിക്കും.