പയ്യന്നൂര്‍: കേന്ദ്രസംസ്ഥാന സര്‍ക്കാരുകളുടെ ജനദ്രോഹ നയങ്ങള്‍ക്കെതിരെ നടക്കുന്ന യു.ഡി.എഫ് വടക്കന്‍ മേഖലാ ജാഥക്ക് നാളെ പയ്യന്നൂരില്‍ സ്വീകരണം നല്‍കും. കെ.പി.സി.സി വൈസ് പ്രസിഡന്റ് എം.എം ഹസ്സന്‍ നയിക്കുന്ന ജാഥക്ക് രാവിലെ 10ന് ടൗണ്‍ സ്‌ക്വയറില്‍ നല്‍കുന്ന സ്വീകരണ പരിപാടി ഡി.സി.സി പ്രസിഡന്റ് സതീശന്‍ പാച്ചേനി ഉദ്ഘാടനം ചെയ്യും. ജാഥയെ ഒളവറയില്‍ എ.ഡി മുസ്തഫയുടെ നേതൃത്വത്തില്‍ സ്വീകരിക്കും.
ജാഥയുടെ പ്രചരണാര്‍ഥം പയ്യന്നൂര്‍ മണ്ഡലം കമ്മറ്റിയുടെ നേതൃത്വത്തില്‍ ഇന്ന് പ്രചാരണ ജാഥകള്‍ നടക്കും. കരിപ്പാലില്‍ കെ.ടി സഹദുല്ല, പുളിങ്ങോത്ത് കെ കുഞ്ഞികൃഷ്ണന്‍ നായരും ജാഥ ഉദ്ഘാടനം ചെയ്യും.
വാര്‍ത്താസമ്മേളനത്തില്‍ എം.കെ രാജന്‍, എസ്.എ ഷുക്കൂര്‍ ഹാജി, എ.പി. നാരായണന്‍, ഡി.കെ ഗോപിനാഥ്, കെ.ടി സഹദുല്ല, പി.വി ഭാസന്‍ പങ്കെടുത്തു.