മാനന്തവാടി: കാട്ടിക്കുളം സെന്റ് പീറ്റേഴ്‌സ് ദേവാലയത്തിന്റെ കുരുശടിയാണ് ശനിയാഴ്ച രാത്രി അജ്ഞാത സംഘം അക്രമിച്ചത്. കുരിശടിയുടെ ചില്ലുകള്‍ തകര്‍ക്കുകയും ഭണ്ഡാരം കുത്തിപ്പൊളിക്കാന്‍ ശ്രമിക്കുകയും ചെയ്തിട്ടുണ്ട്. ഭണ്ഡാരത്തിന് കേടുപാടുകളും സംഭവിച്ചിട്ടുണ്ട്.
കുരിശടിയുടെ പുറക് വശത്തെ വാതില്‍ തുറന്ന് തീയിടുകയും ചെയ്തു. മുമ്പും ഇത്തരത്തിലുള്ള സംഭവങ്ങള്‍ ഉണ്ടായിട്ടുള്ളതായി കമ്മിറ്റി ഭാരവാഹികള്‍ പറഞ്ഞു. തിരുനെല്ലി പൊലിസില്‍ പരാതി നല്‍കി. ഫോറന്‍സിക് വിഭാഗം വിദഗ്ധര്‍ സ്ഥലത്തെത്തി പരിശോധന നടത്തി വിവരങ്ങള്‍ ശേഖരിച്ചു. മോഷണ ശ്രമമാണ് അക്രമണത്തിന് പിന്നിലെന്നാണ് സംശയിക്കുന്നത്. പൊലിസ് അന്വേഷണം ആരംഭിച്ചു.