സിഡ്‌നി: ന്യൂസിലന്‍ഡിനെതിരായ ആദ്യ ടി20 പോരാട്ടത്തില്‍ ആസ്‌ത്രേലിയക്ക് വിജയം. ഏഴ് വിക്കറ്റിനാണ് ഓസീസ് വിജയം സ്വന്തമാക്കിയത്. ഡെക്ക്‌വര്‍ത്ത് ലൂയീസ് നിയമപ്രകാരമാണ് ആസ്‌ത്രേലിയ വിജയിച്ചത്. ആദ്യം ബാറ്റ് ചെയ്ത കിവികള്‍ 20 ഓവറില്‍ ഒന്‍പത് വിക്കറ്റ് നഷ്ടത്തില്‍ 117 റണ്‍സെടുത്തപ്പോള്‍ ഓസീസ് 11.3 ഓവറില്‍ മൂന്ന് വിക്കറ്റ് മാത്രം നഷ്ടപ്പെടുത്തി 96 റണ്‍സെടുത്താണ് വിജയം പിടിച്ചത്. ക്രിസ് ലിന്‍ (44), ഗ്ലെന്‍ മാക്‌സ്‌വെല്‍ (24 പന്തില്‍ 40) എന്നിവര്‍ ഓസീസിനെ അനായാസം വിജയത്തിലെത്തിക്കുകയായിരുന്നു.