പാറക്കടവ്: തുണേരി പഞ്ചായത്ത് എം.എസ്.എഫ് കമ്മിറ്റിയുടെ ആഭിമുഖ്യത്തില്‍ കളര്‍'16 എസ്.എസ്.എല്‍.സി, പ്ലസ് ടു പരീക്ഷയില്‍ ഉന്നത വിജയികള്‍ക്കുള്ള അവാര്‍ഡ് ദാനവും കരിയര്‍ ഗൈഡന്‍സ് ക്ലാസും സംഘടിപ്പിച്ചു. തുണേരി ഗ്രാമപഞ്ചായത്ത് പ്രസിഡന്റ് പി സുരേഷ് കുമാര്‍ ഉദ്ഘാടനം ചെയ്തു. ടി ജാബിര്‍ അധ്യക്ഷനായി. എം.എസ്.എഫ് സ്റ്റേറ്റ് സെക്രട്ടറി സി.കെ മുഹമ്മദലി മുഖ്യ പ്രഭാഷണവും അവാര്‍ഡ് ദാനവും നടത്തി. പാലക്കാട് ജില്ലാ എം.എസ്.എഫ് സെക്രട്ടറിയും ഓറിയോക്രാഫ്റ്റ് ട്രെയിനറും കൂടി ആയ ബിലാല്‍ മുഹമ്മദ് കരിയര്‍ ഗൈഡന്‍സ് ക്ലാസ് നല്‍കി. പരിപാടിയില്‍ കെ.പി.സി തങ്ങള്‍, വളപ്പില്‍ കുഞ്ഞമ്മദ് മാസ്റ്റര്‍, മുഹമ്മദ് പേരോട് , സി.കെ ബഷീര്‍ മാസ്റ്റര്‍, സുകുമാരാന്‍ മാസ്റ്റര്‍ സംസാരിച്ചു. കെ.ഇ മുനീര്‍ സ്വാഗതവും, മുഹസിന്‍ എ.കെ നന്ദിയും പറഞ്ഞു.