റിയാദ്: സഊദിയില്‍ കെട്ടിട വാടകയ്ക്കു നികുതി ഏര്‍പ്പെടുത്തുന്നു. ഭവനകാര്യ മന്ത്രാലയത്തിനു കീഴിലെ 'ഈജാര്‍' ജീവനക്കാരനായ അബ്ദുറഹ്മാന്‍ അസ്സമാരിയാണ് ഇക്കാര്യം അറിയിച്ചത്. ഇതിന്റെ ആരംഭഘട്ടമായി ഈ വര്‍ഷം വാര്‍ഷിക നികുതി 125 റിയാല്‍ ഈടാക്കാന്‍ തീരുമാനമായിട്ടുണ്ട്. തുടര്‍ന്നുള്ള വര്‍ഷങ്ങളില്‍ ഇത് ഇരട്ടിയായി ഉയരും. അടുത്ത വര്‍ഷം 250 റിയാലായിരിക്കും വാര്‍ഷിക നികുതി.
ഈ വര്‍ഷം തുടക്കത്തില്‍ രാജ്യത്ത് പുതുതായി ഏര്‍പ്പെടുത്തിയ മൂല്യവര്‍ധിത നികുതിയില്‍നിന്ന് താമസ കെട്ടിട വാടക ഒഴിവാക്കിയിരുന്നു. ഈജാര്‍ വ്യവസ്ഥയില്‍ രജിസ്റ്റര്‍ ചെയ്ത കെട്ടിട ഉടമകളാണു നികുതി അടക്കേണ്ടണ്ടത്. ഇതിനാല്‍ താമസക്കാരെ നേരിട്ടു നികുതി ബാധിക്കില്ലെന്നു കരുതുന്നുണ്ടെണ്ടങ്കിലും രേഖപ്പെടുത്താത്ത രീതിയില്‍ കെട്ടിടവാടക ഇനത്തില്‍ ഇവ ഉള്‍പ്പെടുത്താന്‍ സാധ്യത കൂടുതലാണ്. അതിനാല്‍ തന്നെ ഇതു താമസക്കാര്‍ക്കു ബാധ്യതയായി മാറുമെന്നാണു കരുതുന്നത്.
വ്യവസ്ഥാപിതമല്ലാത്ത രീതിയില്‍ പ്രവര്‍ത്തിക്കുന്ന റിയല്‍ എസ്‌റ്റേറ്റ് ഓഫിസുകള്‍ അടപ്പിക്കാനും മന്ത്രാലയം നീക്കമുണ്ട്. റിയല്‍ എസ്‌റ്റേറ്റ് ഓഫിസുകള്‍ മന്ത്രാലയത്തിന്റെ ഈജാര്‍ ഓണ്‍ലൈന്‍ സംവിധാനത്തില്‍ റജിസ്റ്റര്‍ ചെയ്തിരിക്കണമെന്നു നിബന്ധനയുണ്ട്. നിലവില്‍ രാജ്യത്ത് 12,000 റിയല്‍ എസ്‌റ്റേറ്റ് ഓഫിസുകള്‍ ആവശ്യമുള്ള സ്ഥാനത്ത് 40,000 ഓഫിസുകള്‍ പ്രവര്‍ത്തിക്കുന്നുണ്ടെണ്ടന്നാണു കണക്ക്.