ആലപ്പുഴ: 2017 ഏപ്രില്‍ മുതല്‍ 2018 മാര്‍ച്ച് വരെയുള്ള ഒരു വര്‍ഷത്തേക്ക് നാടന്‍ കലകളില്‍ പരിശീലനം നേടുന്നതിന് 10 മുതല്‍ 15 വയസ്സ് വരെ പ്രായമുള്ള ആണ്‍കുട്ടികള്‍ക്കും പെണ്‍കുട്ടികള്‍ക്കും കേരള ഫോക്‌ലോര്‍ അക്കാദമിയില്‍ നിന്ന് സ്‌റ്റൈപ്പന്റ് നല്‍കുന്നു.
36,000 രൂപയില്‍ താഴെ കുടുംബവാര്‍ഷിക വരുമാനമുള്ള രക്ഷിതാക്കളുടെ കുട്ടികള്‍ക്ക് മാത്രമേ ആനുകൂല്യത്തിന് അര്‍ഹതയുള്ളൂ. മുന്‍കാലങ്ങളില്‍ സ്‌റ്റൈപ്പന്റ് ലഭിച്ചവര്‍ അപേക്ഷിക്കേണ്ടതില്ല. അഭിരുചി പരീക്ഷയുടെ അടിസ്ഥാനത്തിലായിരിക്കും തെരെഞ്ഞെടുക്കുന്നത്.
അപേക്ഷാ ഫോറവും നിയമാവലിയും ലഭിക്കുന്നതിന് സ്വന്തം മേല്‍വിലാസമെഴുതി അഞ്ച് രൂപയുടെ സ്റ്റാമ്പ് പതിച്ച കവര്‍ സഹിതം സെക്രട്ടറി, കേരള ഫോക് ലോര്‍ അക്കാദമി, പി.ഒ. ചിറക്കല്‍, കണ്ണൂര്‍, 670 011 എന്ന വിലാസത്തില്‍ അപേക്ഷിക്കണം. പൂരിപ്പിച്ച അപേക്ഷയും നിര്‍ദ്ദിഷ്ട രേഖകളും 2017 മാര്‍ച്ച് 10 നകം അക്കാദമി ഓഫീസില്‍ ലഭിച്ചിരിക്കണം.