വടകര: 83 പൊതി ബ്രൗണ്‍ഷുഗറുമായി യുവാവ് എക്‌സൈസ് പിടിയിലായി. തലശേരി കൊളത്തായി സുനീറാണ്(29) പിടിയിലായത്. മാഹിയില്‍ നിന്നുള്ള മദ്യക്കടത്ത് തടയുന്നതിന്റെ ഭാഗമായി മുട്ടുങ്ങല്‍ കെ.എസ്.ഇ.ബി ഓഫിസിനു സമീപം വാഹനം പരിശോധിക്കുമ്പോഴാണ് ഇയാളെ പിടികൂടിയത്. കെ.എല്‍ 13 ഇ.1181 നമ്പര്‍ ഓട്ടോറിക്ഷയിലാണ് ഇയാള്‍ ബ്രൗണ്‍ഷുഗര്‍ കടത്തിയത്. വാഹനവും എക്‌സൈസ് പിടിച്ചെടുത്തു. ഓട്ടോഡ്രൈവറായ സുനീറിനു പൂഴി കച്ചവടവുമുണ്ട്. മുംബൈയില്‍ നിന്നാണ് ഇയാള്‍ ബ്രൗണ്‍ഷുഗര്‍ എത്തിച്ചത്.
വടകര മേഖലയില്‍ വില്‍പ്പനക്കു കൊണ്ടുവരികയായിരുന്നു. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കെ.കെ മുരളീധരന്‍, ഇന്‍സ്‌പെക്ടര്‍ ഹനീഫ, പ്രിവന്റീവ് ഓഫിസര്‍ കെ. വിജയന്‍, സിവില്‍ എക്‌സൈസ് ഓഫിസര്‍മാരായ എ.കെ രതീഷ്, എന്‍.എസ് സുമീഷ്, ഉനൈസ്, അനീഷ് എന്നിവരണ് സംഘത്തിലുണ്ടായിരുന്നത്.