ഹൈദരാബാദ്: ജ്യൂസില്‍ മൂത്രം കലര്‍ത്തി വിദ്യാര്‍ഥിയെ നിര്‍ബന്ധിപ്പിച്ച് കുടിപ്പിച്ചതിന് അധ്യാപകനെ പൊലിസ് അറസ്റ്റ് ചെയ്തു. പ്രകാശം ജില്ലയിലെ ഒരു സ്വകാര്യ സ്‌കൂളിലെ ഒന്നാം ക്ലാസ് വിദ്യാര്‍ഥിയെയാണ് ജ്യൂസ് കുടിപ്പിച്ചത്.
മറ്റൊരു കുട്ടി ജ്യൂസ് കുടിക്കാന്‍ തയാറാകാതെ കരഞ്ഞതോടെയാണ് വിവരം മറ്റ് അധ്യാപകരുടെ ശ്രദ്ധയില്‍പെട്ടത്. ശിക്ഷാ നടപടിയുടെ ഭാഗമായാണ് ഇത്തരമൊരു നടപടിയുണ്ടായതെന്നാണ് ആരോപണ വിധേയനായ അധ്യാപകന്‍ പറഞ്ഞത്.
കുട്ടിയുടെ രക്ഷിതാക്കളുടെ പരാതിയെ തുടര്‍ന്നാണ് അധ്യാപകനെ അറസ്റ്റ് ചെയ്തത്.