റിയാദ്: ബഹിരാകാശ ഗവേഷണ രംഗത്തെ ചരിത്രം മാറ്റിയെഴുതിയ ഇന്ത്യയുടെ നേട്ടത്തിന് അറബ് മാധ്യമങ്ങളില്‍ വന്‍ പ്രാധ്യാന്യം. 104 ഉപഗ്രഹങ്ങള്‍ ഒന്നിച്ച് ഭ്രമണപഥത്തിലെത്തിക്കുന്ന പി.എസ്.എല്‍.വി സി37 വിക്ഷേപണം ചരിത്ര നേട്ടവുമായി ഐ.എസ്.ആര്‍.ഒ ഇന്ത്യയുടെ യശസ് വാനോളമുയര്‍ത്തിയ വാര്‍ത്ത അറബ് മീഡിയകളിലും തംഗമായി.

അറബ് നാടുകളിലെ വിവിധ ഓണ്‍ലൈന്‍ സൈറ്റുകള്‍ വന്‍ പ്രാധാന്യത്തോടെയാണ് ഈ വാര്‍ത്ത റിപ്പോര്‍ട്ട് ചെയ്തിരിക്കുന്നത്. ഇന്ത്യയുടെ ചരിത്ര ലക്ഷ്യത്തിലേക്ക് യു.എ.ഇയ്ക്കും ബന്ധമെന്ന തലക്കെട്ടോടെയാണ് പ്രമുഖ ചാനലായ അല്‍ അറബിയ കുറിച്ചത്. വിവിധ രാജ്യങ്ങളിലെ ഉപഗ്രഹങ്ങളില്‍ യു.എ.ഇയുടെയും ഉപഗ്രഹം ഇതില്‍ വിക്ഷേപണത്തിനായി ഉണ്ടായിരുന്നു.

ആനുകാലികമായി വിവിധ വിഷയങ്ങളില്‍ ഇന്ത്യയുടെ ഗ്രാമങ്ങളിലെ ദീന രോദനങ്ങള്‍ വന്‍ വാര്‍ത്തയായ സാഹചര്യത്തില്‍ പുതിയ വാര്‍ത്ത ഇന്ത്യന്‍ പ്രവാസിയുടെയും അഭിമാനമായി മാറുന്ന നിലയിലാണ് അറബ് മാധ്യമങ്ങള്‍ ഇന്ത്യന്‍ ചരിത്ര നേട്ടം റിപ്പോര്‍ട്ട് ചെയ്യുന്നത്.