പള്ളിക്കല്‍: കാക്കഞ്ചേരിയില്‍ സ്വകാര്യ ആഭരണ നിര്‍മാണശാലക്കെതിരേ പരിസര സംരക്ഷമ സമിതി നടത്തിവരുന്ന സമരത്തിന് പിന്തുണയുമായി ഡോ. എം.കെ മുനീര്‍ എം.എല്‍.എ സമര പന്തലിലെത്തി. കേന്ദ്ര-സംസ്ഥാന സര്‍ക്കാരുകളുടെ ജനദ്രോഹ നയങ്ങള്‍ക്കെതിരേയുള്ള യു.ഡി.എഫ് നടത്തുന്ന മേഖലാ പ്രചരണ ജാഥ ചേളാരിയിലെ സ്വീകരണ കേന്ദ്രത്തിലേക്ക് പോകും വഴിയാണ് പി അബ്ദുല്‍ ഹമീദ് മാസ്റ്റര്‍ എം.എല്‍.എയുള്‍പ്പെടെയുള്ള ജില്ലാ യു.ഡി.എഫ് നേതാക്കള്‍ക്കൊപ്പം എം.കെ മുനീര്‍ സമരപ്പന്തലിലെത്തിയത്.
ജനങ്ങളുടെ ജീവന് ഭീഷണിയുള്ള സ്ഥാപനങ്ങള്‍ കൊണ്ടു വരുന്നതിനെതിരേ നടത്തിവരുന്ന സമരങ്ങല്‍ക്ക് യു.ഡി.എഫിന്റെ ഭാഗത്ത് നിന്നും പൂര്‍ണ പിന്തുണയുണ്ടാകുമെന്ന് എം.കെ മുനീര്‍ ഉറപ്പ് നല്‍കി.