പൊവ്വല്‍: കലയെന്ന ഒരൊറ്റ റോക്കറ്റില്‍ കൗമാരം കുതിപ്പ് തുടങ്ങി, വിജയത്തിന്റെ പുതിയ ചരിത്രം കുറിക്കാന്‍. എല്‍.ബി.എസിലെ ഭ്രമണപഥങ്ങളിലെല്ലാം കലയുടെ വാക്കും നോക്കും മാത്രം. ഇന്നലെ 11.19 നായിരുന്നു കലോത്സവത്തിന്റെ കുതിപ്പിന് എഴുത്തുകാരന്‍ ടി പത്മനാഭന്‍ തിരിതെളിയിച്ചത്. വിജയപഥത്തിലേക്ക് കുതിച്ചെത്താന്‍ 150 കോളജുകളില്‍ നിന്നുള്ള അയ്യായിരത്തോളം 'കുട്ടിപ്രാവുകള്‍'
സര്‍വകലാശാല കലോത്സവങ്ങളിലെ പഴയതാരവും എഴുത്തുകാരനുമായ പി.വി ഷാജികുമാര്‍ മുഖ്യാതിഥിയായിരുന്നു. പ്രോഗ്രാം കമ്മിറ്റി ചെയര്‍മാന്‍ ഒ.എം വിനോദ് അധ്യക്ഷനായി. ചിത്രകാരന്‍ പി.എസ് പുണിഞ്ചിത്തായ, മുളിയാര്‍ പഞ്ചായത്ത് പ്രസിഡന്റ് ഖാലിദ് ബെള്ളിപ്പാടി, കാറഡുക്ക ബ്ലോക്ക് പഞ്ചായത്ത് പ്രസിഡന്റ് ഓമനാ രാമചന്ദ്രന്‍, പഞ്ചായത്ത് വൈസ് പ്രസിഡന്റ് ഗീതാ ഗോപാലന്‍, പഞ്ചായത്തംഗം നബീസ മുഹമ്മദ്, സിന്‍ഡിക്കേറ്റംഗം കെ രാജു, പി.ടി.എ വൈസ് പ്രസിഡന്റ് എ അബ്ദുല്‍ റഹ്മാന്‍, യൂനിയന്‍ ജോയിന്റ് സെക്രട്ടറി കെ രഹില്‍, വൈസ്‌ചെയര്‍മാന്‍ ശരത് കെ ശശി സംസാരിച്ചു.