കോഴിക്കോട്: പ്രഥമ ദേശാഭിമാനി പുരസ്‌കാരം 24ന് നടക്കുന്ന ചടങ്ങില്‍ മുഖ്യമന്ത്രി പിണറായി വിജയന്‍ എം.ടി വാസുദേവന്‍ നായര്‍ക്ക് സമര്‍പ്പിക്കുമെന്ന് ദേശാഭിമാനി ജനറല്‍ മാനേജര്‍ കെ.ജെ തോമസ് വാര്‍ത്താസമ്മേളനത്തില്‍ അറിയിച്ചു.
അവാര്‍ഡ് സമര്‍പ്പണത്തിന്റെ ഭാഗമായി 18 മുതല്‍ 24 വരെ കോഴിക്കോട് എം.ടി സാഹിത്യോത്സവം സംഘടിപ്പിക്കും. 24ന് വൈകിട്ട് ഏഴിന് കടപ്പുറത്ത് നടക്കുന്ന ചടങ്ങില്‍ ചലച്ചിത്രതാരം മമ്മൂട്ടി മുഖ്യാതിഥിയായിരിക്കും.
തുടര്‍ന്ന് ചലച്ചിത്ര-ടി.വി താരങ്ങളുടെ കലാപരിപാടികളും സംഗീത വിരുന്നും നടക്കും. എ. പ്രദീപ്കുമാര്‍ എം.എല്‍.എ, എന്‍.പി ഹാഫിസ് മുഹമ്മദ്, ഒ.പി സുരേഷ് പങ്കെടുത്തു.