കോഴിക്കോട്:മത്സരപ്പരീക്ഷകള്‍ അഭിമുഖീകരിക്കാന്‍ പ്രാപ്തി നേടുന്നതോടൊപ്പം ജീവിത പരീക്ഷയെ നേരിടാനും വിദ്യാര്‍ഥികള്‍ പഠിക്കണമെന്ന് വയലാര്‍ അവാര്‍ഡ് ജേതാവും എഴുത്തുകാരനുമായ യു.കെ കുമാരന്‍. സുപ്രഭാതം ദിനപത്രം വിദ്യാര്‍ഥികള്‍ക്കായി സംഘടിപ്പിച്ച 'വിജയത്തിനായി മനസൊരുക്കാം' മോട്ടിവേഷന്‍ ക്ലാസ് ഉദ്ഘാടനം ചെയ്യുകയായിരുന്നു അദ്ദേഹം.
പുതിയകാലത്ത് പഠനം മാര്‍ക്കുനേടാനായി മാത്രം പരിമിതപ്പെട്ടുപോകുകയാണ്.
ആത്യന്തികമായി ഉണ്ടാവേണ്ട മൂല്യങ്ങള്‍ വഴിയില്‍ ഉപേക്ഷിച്ചു പോവുന്നവരായി അവര്‍ മാറുകയാണെന്നും അദ്ദേഹം കൂട്ടിച്ചേര്‍ത്തു.
സുപ്രഭാതം മാനേജിങ് എഡിറ്റര്‍ നവാസ് പൂനൂര്‍ അധ്യക്ഷനായി. എക്‌സിക്യൂട്ടീവ് എഡിറ്റര്‍ എ.സജീവന്‍, അസോസിയേറ്റ് എഡിറ്റര്‍ പി.പി മൂസ, മാര്‍ക്കറ്റിങ് മാനേജര്‍ സി.പി അലവിക്കുട്ടി, സര്‍ക്കുലേഷന്‍ മാനേജര്‍ ഭാസ്‌കരന്‍ ചേലേമ്പ്ര, എച്ച്.ആര്‍ മാനേജര്‍ എം.അബ്ദുല്ല ശഫീഖലി സംസാരിച്ചു. മുസ്തഫ മുണ്ടുപാറ സ്വാഗതവും ഓണ്‍ലൈന്‍ ചീഫ് കൃഷ്ണപ്രസാദ് നന്ദിയും പറഞ്ഞു.