കരുനാഗപ്പള്ളി: വാലന്റയ്ന്‍ ദിനത്തില്‍ യുവാവിനേയും പെണ്‍കുട്ടിയേയും സദാചാര ഗുണ്ടകള്‍ ആക്രമിച്ച കേസിലെ പ്രതികളായ രണ്ട് പേരെ കൂടി പൊലിസ് പിടികൂടി. ഓച്ചിറ അഴീക്കല്‍ തയ്യില്‍ വീട്ടില്‍ ഗിരീഷ് (29), പുതുമണ്ണേല്‍ വീട്ടില്‍ അനീഷ് (31) എന്നിവരെയാണ് ഇന്നലെ ഉച്ചയ്ക്ക് അറസ്റ്റ് ചെയ്തത്. വെള്ളിയാഴ്ച മൂന്ന് പ്രതികളെ പിടികൂടിയുന്നു. ഇതോടെ ഈ കേസിലെ എല്ലാ പ്രതികളേയും പൊലിസ് അറസ്റ്റ് ചെയ്തു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
യുവാവും യുവതിയും കായലിന്റെ ഭാഗത്തേക്ക് പോകുന്നത് കണ്ടപ്പോള്‍ ആത്മഹത്യയ്ക്കണോ എന്നു നോക്കിയതാണെന്നു പ്രതികള്‍ പൊലിസിന്റെ ചോദ്യം ചെയ്യലിനോട് പ്രതികരിച്ചു. പ്രതികള്‍ക്കെതിരേ സ്ത്രീത്വത്തെ അപമാനിച്ചതിനും, ദേഹോപദ്രവം ഏല്‍പ്പിച്ചതിനും ദൃശ്യങ്ങള്‍ പകര്‍ത്തി പ്രചരിപ്പിച്ചതിനും പ്രത്യേകം വകുപ്പുകള്‍ ചുമത്തി കേസുകള്‍ എടുത്തതായി ഓച്ചിറ എസ്.ഐ വിനോദ് ചന്ദ്രന്‍ പറഞ്ഞു.