തൃശൂര്‍: കലാഭവന്‍ മണിയുടെ മരണവുമായി ബന്ധപ്പെട്ട അന്വേഷണം പൊലിസ് അവസാനിപ്പിക്കുന്നു. കൂടുതല്‍ ശാസ്ത്രീയ തെളിവുകള്‍ കണ്ടെത്താന്‍ സാധിക്കാത്ത സാഹചര്യത്തിലാണ് അന്വേഷണം അവസാനിപ്പിക്കുന്നത്. മണിയുടെ മരണവുമായി ബന്ധപ്പെട്ട് പ്രാഥമിക പരിശോധനയില്‍ ലഭിച്ചതിനേക്കാള്‍ കൂടുതല്‍ തെളിവുകള്‍ പൊലിസിന് ലഭിച്ചിട്ടില്ല.
മണിയുടെ ആന്തരികാവയവങ്ങള്‍ പൊലിസ് പരിശോധിക്കുകയും ആറ് പേരെ നുണ പരിശോധനയ്ക്ക് വിധേയമാക്കുകയും ചെയ്തിരുന്നു. എന്നാല്‍ നിര്‍ണായക തെളിവുകളൊന്നും ഇതില്‍ നിന്നും ലഭിച്ചില്ല. കേസ് സി.ബി.ഐ ഏറ്റെടുക്കണമെന്ന് സംസ്ഥാന സര്‍ക്കാര്‍ നേരത്തെ ആവശ്യപ്പെട്ടിരുന്നു. എന്നാല്‍ കേസില്‍ അന്വേഷണത്തിന്റെ സാഹചര്യമില്ലെന്നായിരുന്നു സി.ബി.ഐയുടെ നിലപാട്. കഴിഞ്ഞ വര്‍ഷം മാര്‍ച്ച് ആറിനാണ് മണി മരിച്ചത്.