ന്യൂഡല്‍ഹി: കൊച്ചിയില്‍ ചലച്ചിത്രനടി ആക്രമിക്കപ്പെട്ടത് ഒറ്റപ്പെട്ട സംഭവമാണെന്നും ഇതു ചൂണ്ടിക്കാട്ടി സംസ്ഥാനത്ത് ക്രമസമാധാനം തകര്‍ന്നുവെന്ന് പറയുന്നത് മറ്റ് ഉദേശ്യത്തോടെയാണെന്നും സി.പി.എം സംസ്ഥാന സെക്രട്ടറി കോടിയേരി ബാലകൃഷണന്‍.
യു.ഡി.എഫ് സര്‍ക്കാറിന്റെ കാലത്തേക്കാള്‍ മികച്ച ക്രമസമാധാന നിലയാണ് ഇപ്പോള്‍ സംസ്ഥാനത്തുള്ളത്. പ്രതിപക്ഷനേതാവ് രമേശ് ചെന്നിത്തല നിരാഹാര സമരം നടത്തിയത് യു.ഡി.എഫിലെ പ്രശനങ്ങള്‍ മറച്ചുവയ്ക്കാനാണ്. ഉമ്മന്‍ ചാണ്ടിയെക്കാള്‍ വലിയ നേതാവാണ് താനെന്ന് തെളിയിക്കുക മാത്രമാണ് രമേശിന്റെ ലക്ഷ്യമെന്നും അദ്ദേഹം ആരോപിച്ചു. ഡല്‍ഹിയില്‍ മാധ്യപ്രവര്‍ത്തകരുമായി സംസാരിക്കുകയായിരുന്നു കോടിയേരി.