ഹൈദരാബാദ്: മൂന്ന് ദിവസത്തെ സന്ദര്‍ശനത്തിനായി ഇറാന്‍ പ്രസിഡന്റ് ഹസന്‍ റൂഹാനി ഹൈദരാബാദിലെത്തി. ബീഗംപെട്ട് വിമാനത്താവളത്തില്‍ വന്നിറങ്ങിയ അദ്ദേഹത്തെ കേന്ദ്ര ഊര്‍ജ സഹമന്ത്രി ആര്‍.കെ സിങ് സ്വീകരിച്ചു.

ഇസ്‌റാഈല്‍ പ്രധാനമന്ത്രി ബെഞ്ചമിന്‍ നെതന്യാഹു ഇന്ത്യാ സന്ദര്‍ശനം നടത്തിയതിന് പിന്നാലെയാണ് ഇറാന്‍ പ്രസിഡന്റും ഇന്ത്യയിലെത്തിയതെന്നത് നയതന്ത്ര തലത്തില്‍ ഏറെ ശ്രദ്ധേയമാണ്.

ശനിയാഴ്ച പ്രധാനമന്ത്രിയുമായി അദ്ദേഹം നയതന്ത്ര ചര്‍ച്ച നടത്തും. വ്യാഴാഴ്ച മുസ്‌ലിം പണ്ഡിതരും ഗവേഷകരുമായി റൂഹാനി ചര്‍ച്ച നടത്തി. 2013ല്‍ പ്രസിഡന്റായി തെരഞ്ഞെടുക്കപ്പെട്ട ശേഷം ആദ്യമായാണ് റൂഹാനി ഇന്ത്യാ സന്ദര്‍ശനത്തിന് എത്തിയത്.